حكايات شذى (الحلقة التاسعة عشر)

أمير(بعصبية): ممكن افهم ايه الكلام اللي شفتته عندك على الفيس؟ ممكن افهم ايه المحادثات دي؟

شذى (بتعيط) ومش بترد

أمير (بعصبية ونرفزة): انتي بتعيطي ليييييييييييييييييه، حرااااااااااااااااام عليكي اللي انت بتعمليه فيا دا، وكمان بتعيطي. بقى فيه واحدة محترمة تتكلم كده مع ناس ما تعرفهاش

شذى (بتعيط) ومش بترد

أمير (بعصبية ونرفزة): عبريني وردي عليا أنا بني ادم بكلمك، يا بنت الناس يا متربية، يا ست الاستاذة الجامعية المحترمة، ازاي تسمحي لنفسك ولرجالة غريبة تكلمك في علاقتنا الشخصية ازاي تسمحي لحد انه يعاكسك ويكلمك بالتساهل دا، لا وكمان بتضحكي، اومال بتعملي ايه في الجامعة مع الناس زمايلي بيقولوا عليا ايه دلوقتي، مركب قرون اييييييييييييييييييه ما تردي

أمير: بصي يا بنت الناس مش شايف حل تاني دلوقتي غير ان كل واحد يقعد لوحده شوية أهدى وبعد كده اما نكمل مع بعض او ننفصل

تحاول شذى ترد تعيط زيادة وما تقدرش تتكلم وتغيب عن الوعي

أمير أول ما شافها بتغيب عن الوعي اتجنن وخاف عليها قوي ولام نفسه على شدته عليها، هو بيحبها وخايف عليها وخايف على شكلها قدام زمايلها وقدام الناس كلها، بيخاف عليها وبيحبها وكان بيشد عليها من احساسه بالجرح انها عملت كده وفي نفس الوقت احساسه بالخوف والغيرة عليها من نظرة الناس دي ليها.

شالها وطلع بيها على المستشفى، التشخيص كان انهيار عصبي، فضل أمير جنبها مش عايز يسيبها، اعتذر عن محاضراته وكل التزاماته عشان يفضل جنبها، واكتشف انه بيحبها اكتر من الاول، وانه بيعشق كل حاجة فيها حتى جنانها، الدكتور قاله انها ح تاخد وقت عشان ترجع لوعيها تاني، وان فقدها الوعي كان تصرف لا إرادي اخده عقلها الباطن عشان يهرب من مشكلة ما قدرش انه يواجهها، وحكي أمير اللي حصل للدكتور، الدكتور طمنه وطلب منه انه يكون جنبها ويتكلم ويطمنها انه مش ح يبعد عنها، بعد ما الدكتور اتأكد منه فعلا انه مش ناوي يبعد عنها

وفعلا أمير كان معاها في المستشفى 24 ساعة مش بيسيبها،كان بيتكلم معاها وهيا فاقدة الوعي هو عارف انها سامعه زي ما الدكتور قاله بس مش بتاخد اي رد فعل, طمنها انه لسه بيحبها وعمره ما ح يسيبها او يبعد عنها وانه اكتشف انه بيحبها اكتر من اي وقت فات ، وافتكر بينه وبين نفسه الأوقات الحلوة اللي مرت عليه هو هي، افتكر لحظة ما اعترفت ليه بحبها ، افتكر لما عمل الحادثة وكانت جنبه ما سابهوش لحظة واحدة، وانها سمعت كلامه ومحدش عرف حاجة عن الحادثة فعلا. بقى يفتكر شوية ويكلمها شوية ويعتذر لها عن معاملته الجافة ليها شويتين، ويقول لها انها وحشاة كتيييييييييييييييييير.

شذى فضلت غايبة عن الوعي لمدة اسبوع، كان هو بيعملها كل حاجة ويتكلم معاها، كانت سمعاه بس مش قادرة تفتح عنيها وترد عليه، كانت عايزة تعتذر له بالرغم انها مش عارفه ايه اللي ضايقه كده ، وعن عدم فهمها لتصرفات كتير بيعملها وهي فهمتها غلط، كانت عايزة تقوله سامحني وما تزعلش مني، كانت عايزة تقوله بحبك وقابلة منك اي حاجة الا اننا ننفصل او نبعد عن بعض، ورجعت شذى لوعيها بس ما كانتش قادرة تتكلم، وفرح أمير جدا برجوعها لوعيها، وتعبيراتها على كلامه وتعبير انها بتحبه،

أهل شذى أمير قالهم انهم مسافرين شغل بره مصر عشان محدش يعرف اللي حصل لها،  شذي شافت خوفه عليها افتكرت لما تعبت في ألمانيا

فلاش باك ألمانيا بعد سنة بيت شذى وأمير

أمير (خايف ومش عارف في ايه): شذى شذى ارجوكي ردي عليا مالك؟

شذى (بتتألم ومش قادرة ترد ونزيف شديد مغرق هدومها وكل حاجة): اااااااااااااااااااااااه الحقنيييييييي وفقدت الوعي

أمير (خايف ومش عارف يعمل ايه طلب الاسعاف)

المستشفى في ألمانيا

أمير (خايف): خير ما دكتور في ايه؟ مالها؟

الدكتور: حضرتك مين؟

أمير: انا زوجها

الدكتور: الفحص والاشاعات بتقول ان مراتك عندها ورم في الرحم

أمير (مرعوب): ورم ايه؟ نوعه ايه؟

الدكتور: الورم حميد، بس النزيف الشديد دا خطر

أمير: الحل ايه؟

الدكتور: لازم نستأصل الرحم والا ممكن الورم يتحول ويبقى ورم سرطاني

أمير: اعمل اللي حضرتك شايفه مناسب يا دكتور

الدكتور: امضي على الاقرار وح نجهزها للعملية

بعد العملية

شذى: هو حصل ايه يا أمير

أمير (بلهفة): شذى انتي فوقتي؟حمد لله على سلامتك

شذى: هو في ايه؟

أمير: انتي جالك نزيف شديد، وبعد كده فقدتي الوعي خالص وانتي بتصرخي وتقولي الحقني. انتي ليه ما قولتيش انك بتشتكي من آلام في الرحم

شذى: انت كنت مشغول وقربت تخلص الرسالة، ما كانش ينفع اشغلك معايا

أمير: على فكرة عيب عليكي تقولي كده، انتي مراتي وحبيبتي وكل ما ليا في الدنيا. في حاجة عايزك تعرفيها

شذى: خير؟

أمير: انتي شيلتي الرحم

شذى (ما ردتش وعيطت)

أمير: بصي يا شذى صحتك عندي اهم من اي حاجة تانية، ما ينفعش اشوفك بتموتي قصادي وانا متكتف

شذى (بعيط): انا كده مش ح اخلف خالص، وانت بتحب الأطفال وكان نفسي اشيل طفل منك

أمير (بيضمها ليه): انتي حياتي وكل ما ليا في الدنيا

رجعت شذى من ذكرياتها في المستشفى والعملية بتاعتها على صوت أمير والدكتور وحاولت تتكلم وصوتها طلع

أمير (حضنها وضمها بقوة لما سمع صوتها): بحبك وعمري ما أقدر أبعد عنك


------------------------ انتظروا الحلقة الأخيرة ---------------------------------